Impuls Tibbiyot Institutining rektori Xolmirzayev Orifjon, ta’sischi Nazarov Zafarjon va tashqi aloqalar bo‘limi xodimi Qutbiddinov Ayubxon hozirgi kunda xizmat safari bilan Hindistonning Yangi Dehli shahrida bo‘lib turishibdi. Safar davomida delegatsiyani Sharda Universiteti vakillari samimiy va mehr bilan kutib olishdi. Kutish marosimida Sharda universitetining Kantsleri, Sharda guruhining asoschisi Pradeep Kumar Gupta, Prorektor Yatendra Kumar Gupta hamda Sharda guruhining Prezidenti Prashant Gupta ishtirok etib, mehmonlarni qabul qilishdi.

Mazkur tashrif davomida O‘zbekiston va Hindiston o‘rtasidagi ta’lim sohasidagi hamkorlikni rivojlantirish, o‘quv jarayonlarini zamonaviylashtirish va ilmiy tadqiqotlardagi hamkorlikni kuchaytirish bo‘yicha muhim kelishuvlarga erishildi. Ikki mamlakat va ikki oliy ta’lim muassasalari o‘rtasida o‘zaro hamkorlik aloqalarini mustahkamlash maqsadida, professor-o‘qituvchilarning malakasini oshirish, talabalar almashinuvini ta’minlash, ilmiy tadqiqotlarni hamkorlikda amalga oshirish hamda ilmiy-tadqiqot faoliyatini rivojlantirish bo‘yicha muhim kelishuvlar imzolandi.

Sharda Universiteti va Impuls Tibbiyot Instituti o‘rtasidagi mazkur hamkorlik aloqalari ikki mamlakat yoshlarga katta imkoniyatlar eshigini ochadi. Bu hamkorlik ikki millat o‘rtasidagi ta’lim sohasida yangi istiqbollarni ochib, yosh avlod uchun xalqaro miqyosdagi yetakchi universitetlarda o‘qish va ilm olish imkonini yaratadi.