Impulse Medical Institute — bu tibbiyot sohasida zamonaviy ta’lim va ilmiy tadqiqotlar olib boruvchi yetakchi xususiy tibbiyot oliy ta’lim muassasasi. Institutimizning asosiy maqsadi — sog‘liqni saqlash sohasida yuqori malakali kadrlar tayyorlash, zamonaviy texnologiyalar asosida tibbiy ta’lim berish va ilmiy izlanishlar olib borishdir.

Bizning Maqsadlarimiz

Tibbiyot, hamda tibbiy ta'limni rivojlantirish va shu orqali o'rtacha umr davomiyligini oshirish. Impul Tibbiyot Isntituti, o'zining missiyasida insoniyatning eng o'liy qadriyatlari-salomatlik va hayotni e'zozlashni asos qilib olgan. Zamonaviy texnologiyalarni tibbiyot ta’limiga integratsiya qilish va xalqaro standartlar asosida ta’lim berish. Xalqaro hamkorlikni rivojlantirish va talabalarga xorijda ta’lim olish va amaliyot o‘tash imkoniyatlarini taqdim etish.Ushbu muosasa, tibbiyot va tibbiyot ta'limni rivojlantirish orqali inson umrini uzayishiga, shuningdek, sifatli va to'laqonli hayot kechirishiga hissa qo'shishni maqsad qilgan.

Bizning Tariximiz

Impuls Medical Institute o‘z faoliyatini 2022-yilda, Namangan viloyatida birinchi xususiy tibbiyot instituti sifatida boshlagan. Institutimiz tibbiyot sohasida dolzarb bo‘lgan kadrlar yetishmovchiligi muammosini hal qilish maqsadida tashkil etilgan. O‘zbekiston Respublikasi Vazirlar Mahkamasi huzuridagi Ta'lim sifatini nazorat qilish davlat inspeksiyasi tomonidan berilgan № 047559 sonli litsenziya asosida faoliyat yuritadi.

O‘quv Jarayonimiz

Institutimizda o‘quv jarayonlari kredit-modul tizimiga asoslangan bo'lib, dars mashg'ulotlari gibrid holatda tashkil qilingan. Institutimizda gibrid ta'lim tizimi deganda, talabalarning o'quv amaliy mashg'ulotlarini O'zbekiston va jahonning yetakchi professor o'qituvchilari bilan birgalikda offlayn tarzda o'zlashtirishi va o'z navbatida mustaqil o'zlashtirishga ko'maklashuvchi ta'lim platformasi, video darslar, mashg'ulotlarga oid vaziyatli masalalar bilan o'zaro integratsiyalashgan tizim tushuniladi.

Ilmiy Tadqiqotlar va Innovatsiyalar

Institutimiz ilmiy-tadqiqot faoliyatiga katta ahamiyat qaratadi. Ilmiy izlanishlarimiz asosan sog‘liqni saqlash sohasidagi dolzarb masalalar va tibbiyot ta’limini yanada samarali qilish yo‘nalishlariga qaratilgan. Tadqiqotlarimiz yangi davolash usullari, diagnostika texnologiyalari va tibbiyot ta'limini rivojlantirishga qaratilgan. Ilmiy tadqiqotlarimizni xalqaro standartlar asosida tashkil qilish va tibbiyot faniga amaliy yechimlar taklif etish bo‘yicha xorijiy ilmiy markazlar va institutlar bilan hamkorlik qilamiz.

Bizning Qadriyatlarimiz

Shaffoflik:

Biz barcha jarayonlarimizda ochiqlik va halollikni birinchi o‘ringa qo'yamiz. Talabalar, xodimlar va hamkorlar bilan ishonchli va oshkora munosabatlar o‘rnatamiz.

Omonatdorlik:

Bizga ishonib topshirilgan vazifalarni mas'uliyat bilan bajarishga intilamiz. Har bir ishimizda halollik va ishonchlilikni ta'minlashga harakat qilamiz.

Moslashuvchanlik:

Tez o‘zgarayotgan zamonaviy talablarga tezda moslashamiz. Innovatsiyalarni qabul qilish va yangi imkoniyatlardan foydalanishga ochiqmiz.

Rivojlanuvchanlik:

Biz doimiy o‘sish va takomillashuvni qo‘llab-quvvatlaymiz. Talabalarimiz va jamoamiz uchun yangi bilim va ko‘nikmalarni rivojlantirishda doimiy ravishda intilamiz.