Qabul tartibi

“IMI” xorijiy va mahalliy abituriyentlar uchun o‘zbek va ingliz tillarida quyidagi o‘quv dasturini taklif etadi:

“IMI”da barcha o‘quv dasturlar to‘lov-kontrakt asosida amalga oshiriladi

Kunduzgi ta’lim – mashg‘ulotlar o‘qituvchi tomonidan o‘quv rejalari (ma’ruza, amaliy mashg‘ulot, laboratoriya) asosida auditoriya va klinik bazalarda olib boriladi va talabalar hafta davomida mashg‘ulotlarga qatnashadilar, mashg‘ulotlar 3 paradan bo‘lib, 1-semena va 2-semenalardan iborat.

Gibrid ta’lim – an’anaviy ta’lim usullari va elektron ta’limning (ya’ni, raqamli yoki tarmoqqa ulangan ta’lim) afzalliklarini birlashtirib, yaxshiroq ta’lim berish usullarini yaratadi, bunda talaba darsdan so‘ng mustaqil ta’lim uchun institut platformalaridagi O‘qituvchilarimiz tomonidan har bir fan mavzularidan tartibga solingan videodarslar, nazorot testlari va vaziyatli masalalarni onlayn holatda foydalanishlari mumkin.

Abituriyentlarning ro‘yxatdan o‘tish tartibi

Abituriyentlar ro‘yxartdan o‘tish tartibi ikki xil ko‘rinishda Offline va Onlayn o‘tishlari kerak:

Offline ro‘yxatdan o‘tish tartibi – 15-iyun kunidan boshlab asosiy binodan joylashgan qabulxonaga kelib uchrashiladi, tashrif buyurgan har bir abituriyent uchun mas’ul xodimlar tomonidan institut haqida va o‘zlarini qiziqtirgan savollariga oid kerakli ma’lumot beriladi hamda abituriyentning shaxsiy ma’lumotlari IMI qabul tizimiga kiritiladi.

Onlayn ro‘yxatdan o‘tish tartibi - https://qabul.impulsmi.uz ijtimoiy tarmoq orqali ro‘yxatdan o‘tishadi va ma’lum vaqtdan so‘ng operator xodimlari tomonidan abituriyentga qo‘ng‘iroq qilinadi va institut haqida va o‘zlarini qiziqtirgan savollariga oid kerakli ma’lumot beriladi.

Abituriyent kerakli ma’lumot olganidan so‘ng imtihon uchun to‘lovni Naqd ko‘rinishida yoki Payme, Click ilovalari orqali pul o‘tkazish yo‘li bilan amalga oshirishi mumkin. Imtihon uchun to‘lov imtihon jarayonlarini tashkil qilish uchun sarflangan resurslarni qoplash maqsadida joriy etilgan.

Impuls tibbiyot institutida qabul qilish 2025-yil 15-iyunidan 30-sentabriga qadar davom etadi.

Abituriyentning bilimi murakkablik darajasiga ko‘ra O‘zbekiston umumta’lim maktablari dasturiga mos keluvchi Kimyo, Biologiya, Matematika, IQ savollardan iborat testlar jamlanmasi asosida, fanlardan tuzilgan testlar ta’lim sifati tomonidan tekshiruvdan o‘tgan va shu test orqali baholanadi.

Imtihonlar jarayonida rioya etilishi lozim bo‘lgan qoidalar

Abituriyentlar qabul imtihoni jarayoni davomida quyidagi qoidalarga rioya etishlari lozim: Boshqa abituriyentlar bilan muloqot qilish taqiqlanadi; Uyali telefon, kompyuter, telekommunikatsiya vositalari va shpargalkalar olib kirishga harakat qilish yoki olib kirish taqiqlanadi; Abituriyentlar bilan muloqot qilish, imtihon paytida atrofga qarash, suhbatlashish yoki boshqalarni bezovta qilish va har qanday intizom va tartib qoidalarini buzish taqiqlanadi; Xato savollar bo‘lsa, qo‘llarini ko‘tarishadi va yoniga nazoratchi kelishini kutadi; Abituriyentlar imtihon vaqtida xonadan chiqishi taqiqlanadi.

Apellyatsiya

IMI qabul imtihoni natijalari va test sinovi savollaridan norozi bo‘lgan abituriyent e’tiroz bildirish huquqiga ega, jumladan: Abituriyent test jarayonida savol va javoblar variantlaridan qoniqmaslik holati yuzaga kelsa, test variantini berilgan maxsus qog‘ozga yozib oladi va test jarayoni yakunlanganidan so‘ng uni hamda rektor nomiga yozilgan apellyatsiya shikoyatini mas’ul xodimga yozma ravishda taqdim etadi. Agar test variantini berilgan maxsus qog‘ozga yozib olmagan bo‘lsa, abituriyentning yozma arizasiga muvofiq apellyatsiya shikoyati ko‘rib chiqiladi. Apellyatsiya natijalari 3 (uch) ish kuni davomida Qabul komissiyasi tomonidan o‘rganib chiqiladi. Abituriyentning etirozi asosli deb topilgan bo‘lsa, tegishli miqdordagi ballarni test sinov natijalariga qo‘shib beriladi.

Imtiyoz va Chegirmalar

Hamkor tibbiy klinikalarning (davlat va xususiy) ayol tibbiyot xodimlari uchun qabul imtihonlari to‘lovidan ozod qilinadi *

* ish staji 1 (bir) yildan kam bo‘lmasligi kerak.

Hamkor tibbiy klinikalarning (davlat va xususiy) ayol tibbiyot xodimlariga tayyorlov kursi (podkurs) uchun 20 % (foiz) li, ya’ni bir marotabalik chegirma imtiyozi taqdim etiladi.

Qabul imtihonlari natijalariga ko‘ra IMI tomonidan rektor buyrug‘iga asosan 1 (bir) semester uchun grant taqdim etiladi.

1 (bir) semestrlik grant quydagi tartibda beriladi:

50 % lik grant (kuzgi semestr uchun)

40 % lik grant (qish semestr uchun)

30 % lik grant (qish semestr uchun)

20 % lik grant (qish semestr uchun)

*Bahorgi semestr uchun grand berish tartibi talabalarga o‘qish davomida grand berish tartibida belgilab o‘tilgan, bunda institut tomonidan beriladigan grandlar talabalarning o‘zlashtirishiga ko‘ra o‘zgaruvchan hisoblanadi.

O‘zbekiston Respublikasi Prezidentining 09.09.2019 yildagi PF-5816-sonli O‘zbekiston Respublikasida notariat tizimini tubdan isloh qilish chora-tadbirlari to‘g‘risidagi Farmoni 9-bandi 1-xatboshida yaqin qarindoshlar sifatida ota-ona, er-xotin, bolalar, aka-ukalar, opa-singillar sanab o‘tilgan shaxslarga kontrakt summasidan 10 % lik chegirma har bir shaxs uchun to‘liq o‘qish yili davomiyligi muddatiga beriladi.

2024-2025-O‘quv yilidan boshlab Nogironligi mavjud bo‘lgan shaxslar uchun quyidagi imtiyoz va chegirmalar taqdim etiladi (Suhbat asosida).

Qabul uchun to‘lov 100 % tekin, ya’ni hech qanday to‘lovlarsiz imtihonda ishtirok etadi

Yotoqxona 2 yil bepul

“Ayollar daftari”, “Temir daftar”da ro‘yxatda turgan ayol-qizlar qabul imtihoni to‘lovlaridan ozod etiladi.