Impuls Tibbiyot Instituti mahalliy va xalqaro tashkilotlar, universitetlar va ilmiy markazlar bilan samarali hamkorlik qilishga alohida e’tibor qaratadi. Institut tibbiyot sohasida yuqori malakali mutaxassislar tayyorlash, ilg‘or tajribalarni joriy etish va innovatsion loyihalarni amalga oshirish maqsadida keng qamrovli hamkorlik faoliyatini olib bormoqda.

Hozirda institut quyidagi davlatlardagi yetakchi oliy ta’lim muassasalari bilan hamkorlik qilmoqda: Hindiston, Turkiya, Qozog‘iston, Qirg‘iziston, Tojikiston, Koreya, Xitoy va Litva.

Ushbu hamkorlik doirasida talabalar va o‘qituvchilar almashinuvi, qo‘shma ilmiy-tadqiqot ishlari, xalqaro seminar va konferensiyalar, hamda akademik loyihalar amalga oshirilmoqda.