Mutaxassislik fanlar kafedrasi

1. Umumiy ma’lumotlar

Mutaxassislik fanlar kafedrasi Impuls tibbiyot instituti tarkibida faoliyat yuritadi.
Kafedra 2026-yilda tashkil etilgan bo‘lib, hozirgi kunda ta’lim, ilmiy-tadqiqot va uslubiy faoliyatni uyg‘un holda olib bormoqda.

2. Kafedraning asosiy maqsadi va vazifalari

Kafedraning asosiy maqsadi — talabalarga zamonaviy bilim berish, ularni mustaqil fikrlovchi, yuqori malakali mutaxassis etib tayyorlash hamda fan, ta’lim va amaliyot integratsiyasini ta’minlashdan iborat.

Kafedra oldiga quyidagi vazifalar qo‘yilgan:

• fanlar bo‘yicha o‘quv mashg‘ulotlarini yuqori saviyada tashkil etish;
• ilg‘or pedagogik va axborot texnologiyalarini ta’lim jarayoniga joriy etish;
• ilmiy-tadqiqot ishlarini olib borish va natijalarini amaliyotga tatbiq etish;
• iqtidorli talabalar bilan ishlash hamda ularni ilmiy faoliyatga jalb qilish;
• o‘quv-uslubiy adabiyotlar, darsliklar va qo‘llanmalar yaratish;
• respublika va xalqaro miqyosdagi ilmiy hamkorlikni rivojlantirish.

3. O‘quv-uslubiy faoliyat

Kafedrada tibbiyot yo`nalishining bakalavriat ta’lim yo‘nalishlari uchun tasdiqlangan o‘quv rejalari asosida ma’ruza, amaliy, laboratoriya mashg‘ulotlari hamda mustaqil ta’lim jarayonlari tashkil etiladi. Fan dasturlari zamonaviy talablar asosida muntazam yangilanib boriladi. Kafedrada Tibbiy biologiya va umumiy genetika, Preklinik restavratsion stomatologiya, Stomatologiyaga kirish, Ortopedik stomatologiya, Odam anatomiyasi va klinik anatomiya, Tibbiyot kasbiga kirish, Tibbiy kimyo fanlaridan darslar o`tib boriladi.

4. Ilmiy-tadqiqot faoliyati

Kafedra 11 ta professor-o‘qituvchilari tomonidan dolzarb ilmiy yo‘nalishlarda tadqiqotlar olib boriladi. Ilmiy ishlar natijalari respublika va xorijiy ilmiy jurnallarda chop etiladi, konferensiya va seminarlar orqali muhokama qilinadi. Kafedra professor-o‘qituvchilari tomonidan ilmiy-tadqiqot faoliyati izchil olib borilmoqda. So‘nggi yillarda kafedra a’zolari tomonidan jami 17 ta ilmiy maqola va 14 ta tezis chop etilib, ularda sohaning dolzarb muammolari, zamonaviy ilmiy yondashuvlar hamda amaliy ahamiyatga ega natijalar yoritilgan. Shu bilan birga, xalqaro ilmiy hamjamiyat bilan integratsiyani mustahkamlash maqsadida Scopus xalqaro ilmiy-texnik ma’lumotlar bazasida indekslanuvchi 10 ta maqola nashr etildi. Talabalar ilmiy to‘garaklar faoliyatida qatnashib, ilmiy izlanish ko‘nikmalarini shakllantiradilar.

5. Kadrlar salohiyati

Kafedrada yuqori malakali professor-o‘qituvchilar, jumladan, 3 falsafa doktorlari (PhD) va katta o‘qituvchilar faoliyat yuritadi. Ular ta’lim sifatini oshirish, ilmiy maktablarni rivojlantirish va yosh mutaxassislarni tayyorlashga munosib hissa qo‘shib kelmoqda.

6. Moddiy-texnik baza

Kafedra zamonaviy jihozlangan auditoriyalar, laboratoriyalar, axborot-resurs manbalari va texnik vositalar bilan ta’minlangan bo‘lib, ular ta’lim jarayonini samarali tashkil etishga xizmat qiladi.

7. Xulosa

Mutaxassislik fanlar kafedrasi ta’lim, ilmiy-tadqiqot va uslubiy faoliyatni uzviy ravishda olib borib, raqobatbardosh mutaxassislar tayyorlash, ilm-fan rivojiga hissa qo‘shish hamda zamonaviy ta’lim talablarini ro‘yobga chiqarishga xizmat qilmoqda.