Xalqaro hamkorlik: Impuls Tibbiyot Instituti va D&D Pharma o‘rtasida memorandum imzolandi

Xalqaro hamkorlik: Impuls Tibbiyot Instituti va D&D Pharma o‘rtasida memorandum imzolandi.

Impuls Tibbiyot Instituti xalqaro miqyosdagi ilmiy va amaliy hamkorlikni kengaytirishda navbatdagi muhim qadamni qo‘ydi. Germaniyaning yetakchi biotexnologiya kompaniyalaridan biri — D&D Pharma (Berlin) bilan o‘zaro memorandum imzolandi.

Uchrashuvda D&D Pharma kompaniyasining ilmiy ishlar bo‘yicha direktori Dr. Vladimir Antonenko ishtirok etdi. Shuningdek, u institut faoliyati va yaratilgan shart-sharoitlar bilan yaqindan tanishdi.

Ushbu hamkorlik doirasida quyidagi ustuvor yo‘nalishlar belgilab olindi:

• Tibbiyot va farmatsevtika sohasida qo‘shma ilmiy izlanishlarni olib borish;
• Germaniya va O‘zbekiston tibbiyot tizimi o‘rtasida tajriba almashish;
• Institut professor-o‘qituvchilari va talabalari uchun malaka oshirish dasturlarini yo‘lga qo‘yish.

Mazkur hamkorlik nafaqat institut nufuzini, balki yurtimiz tibbiyot fanining xalqaro maydondagi o‘rnini yanada mustahkamlashga xizmat qiladi.